ନୂଆଦିଲ୍ଲୀ ୨୩/୦୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକା ରାଷ୍ଟ୍ରପତି ଜୋ ବାଇଡେନ୍ଙ୍କ ସହ ଦ୍ୱିପାକ୍ଷିକ ବୈଠକରେ ଦ୍ୱିପାକ୍ଷିକ ସହଯୋଗ ଅଧିକ ବୃଦ୍ଧି କରିବା ଉପରେ ଚର୍ଚ୍ଚା କରିବା ସହ ଗୁରୁତ୍ୱପୂର୍ଣ୍ଣ ଚୁକ୍ତି ହୋଇଛି । ଏଥିସହ ଭାରତ- ପ୍ରଶାନ୍ତ ମହାସାଗର କ୍ଷେତ୍ର, ବୈଶ୍ୱିକ ଏବଂ ଆଞ୍ଚଳିକ ପ୍ରସଙ୍ଗ ଉପରେ ବି ବିଚାରବିମର୍ଶ ହୋଇଛି । ଦୁଇ ଦେଶ ଭିତରେ ଡ୍ରୋନ୍ ଏବଂ ଲଢ଼ୁଆ ବିମାନ କ୍ରୟକୁ ନେଇ ବଡ଼ ଚୁକ୍ତି ହୋଇଛି । ଭାରତ ଆମେରିକାରୁ ୩୧ ଜେନେରାଲ ଆଟମିକ୍ସ ଏମ୍କ୍ୟୁ-୯ବି (୧୬ ସ୍କାଏ ଗାର୍ଡିୟନ ଏବଂ ୧୫ ସି ଗାର୍ଡିୟନ) ଡ୍ରୋନ୍ କିଣିବାକୁ ଯାଉଛି ।
ଗତ ଫେବ୍ରୁଆରୀରେ ଆମେରିକା ଭାରତୀୟ ସେନାକୁ ୩.୯୯ ବିଲିୟନ ଡଲାରର ୩୧ ଏମ୍କ୍ୟୁ-୯ବି ଡ୍ରୋନ୍ ବିକ୍ରି ଲାଗି ମଞ୍ଜୁରି ଦେଇଥିଲା । ଏହି ଡ୍ରୋନ୍ ଭାରତର ସଶସ୍ତ୍ର ବଳକୁ ଗୁଇନ୍ଦା ନିରୀକ୍ଷଣ ଏବଂ ସେନା କ୍ଷମତା ବଢ଼ାଇବାରେ ସହାୟକ ହେବ । ଏହା ବ୍ୟତୀତ ଭାରତ ଏବଂ ଆମେରିକା ମଧ୍ୟରେ ଲକ୍ହିଡ୍ ମାର୍ଟିନ ଏବଂ ଟାଟା ଆଡ୍ଭାନ୍ସଡ ସିଷ୍ଟମ ଲିମିଟେଡର ମିଳିତ ବୁଝାମଣା ଉପରେ ଆଲୋଚନା ହୋଇଛି । ଏହି ଚୁକ୍ତି ସି-୧୩୦ ଜେ ସୁପର ହରକୁଲସ ବିମାନ ପାଇଁ ଏମ୍ଆର୍ଓ ସୁବିଧା ସ୍ଥାପନ କରିବ ।
ଭାରତ ଓ ଆମେରିକା ମଧ୍ୟରେ ସେମିକଣ୍ଡକ୍ଟର ନିର୍ମାଣ ଦିଗରେ ଏକ ବଡ଼ ଡିଲ୍ ହୋଇଛି । ୟୁଏସ୍ ସ୍ପେସ୍ ଫୋର୍ସ କୋଲକାତାରେ ଏକ ନୂଆ ସେମିକଣ୍ଡକ୍ଟର ପ୍ଲାଣ୍ଟ ସ୍ଥାପନ କରିବ । ଏଥିସହ ସୁରକ୍ଷିତ ବୈଶ୍ୱିକ ସ୍ୱଚ୍ଛ ଶକ୍ତି ଯୋଗାଣ ଶୃଙ୍ଖଳା ବନାଯିବ ଉପରେ ଚର୍ଚ୍ଚା ହୋଇଛି । ଗ୍ରୀନ୍ ଏନର୍ଜୀ ଟେକ୍ନୋଲୋଜି ଉପରେ ମିଳିବା ଭାବେ କାମ କରିବା ସହ ଦୁଇ ଦେଶ ମିଶି ୧ ବିଲିୟନ ଡଲାର ସହାୟତା ଦେବେ ବୋଲି ନିଷ୍ପତ୍ତି ହୋଇଛି ।
