ପ୍ରମୂଖ ଖବର
  • ଭୁବନେଶ୍ଵର : ୨୨ରୁ ବଜେଟ ଅଧିବେଶନ, ସରକାର ବନାମ ନବୀନଙ୍କ ଛାୟା ମନ୍ତ୍ରିମଣ୍ଡଳ ଲଢ଼େଇ
  • ||
  • ଆଜି ରସଗୋଲା ଦିବସ, ଜିଆଇର ୫ ବର୍ଷ ପରେ ବ୍ରାଣ୍ଡିଂ ନାହିଁ, ସରକାର ନିରବ
  • ||

ଟି-ଟ୍ୱେଣ୍ଟି ବିଶ୍ୱକପ୍‌ ଫାଇନାଲ୍‌ରେ ରେକର୍ଡ କରିବେ ରୋହିତ, କୋହଲି

ବ୍ରିଜଟାଉନ,୨୯/୦୬: ଆଜି ଭାରତୀୟ ଦଳ ଗ୍ରାଉଣ୍ଡକୁ ଓହ୍ଲାଇବା ସହ ଦୁଇ ତାରକା ବ୍ୟାଟର ବିରାଟ କୋହଲି ଓ ରୋହିତ ଶର୍ମାଙ୍କ ନାମରେ ଏକ ରେକର୍ଡ ଯୋଡି ହୋଇଯିବ । ଉଭୟ ସର୍ବାଧିକ ଆଇସିସି ଟୁର୍ଣ୍ଣାମେଣ୍ଟର ଫାଇନାଲ୍‌ ଖେଳିବାରେ ରେକର୍ଡ ସ୍ଥାପନ କରିବେ । ଉଭୟଙ୍କ କ୍ୟାରିୟର୍‌ରେ ଏହା ଅଷ୍ଟମ ଆଇସିସି ଟୁର୍ଣ୍ଣାମେଣ୍ଟ ଫାଇନାଲ୍‌ ହେବ ।

ରୋହିତ ୨୦୦୭ ଟି-ଟ୍ୱେଣ୍ଟି  ବିଶ୍ୱକପ୍‌, ୨୦୧୩ ଚାମ୍ପିଅନ୍ସ ଟ୍ରଫି, ୨୦୧୪ ଟି-ଟ୍ୱେଣ୍ଟି ବିଶ୍ୱକପ୍‌, ୨୦୧୭ ଚାମ୍ପିଅନ୍ସ ଟ୍ରଫି, ୨୦୨୧  ବିଶ୍ୱ ଟେଷ୍ଟ ଚାମ୍ପିଅନସିପ, ୨୦୨୩ ବିଶ୍ୱ ଟେଷ୍ଟ ଚାମ୍ପିଅନ୍ସ ଟ୍ରଫି ଓ ଦିନିକିଆ ଫାଇନାଲ୍‌ ଖେଳିଛନ୍ତି । ସେହିପରି କୋହଲି ୨୦୧୧ ଦିନିକିଆ ବିଶ୍ୱକପ୍‌ ଫାଇନାଲ୍‌ ସମେତ ୨୦୧୩ ଚାମ୍ପିଅନ୍ସ ଟ୍ରଫି, ୨୦୧୪  ଟି-ଟ୍ୱେଣ୍ଟି ବିଶ୍ୱକପ, ୨୦୧୭ ଚାମ୍ପିଅନ୍ସ ଟ୍ରଫି, ୨୦୨୧ ଓ ୨୦୨୩ ବିଶ୍ୱ ଟେଷ୍ଟ ଚାମ୍ପିଅନସିପ୍‌, ୨୦୨୩  ଦିନିକିଆ ବିଶ୍ୱକପ୍‌ ଫାଇନାଲ୍‌ ଖେଳିସାରିଛନ୍ତି । 

ସେହିପରି ରବିନ୍ଦ୍ର ଜାଡେଜା ସପ୍ତମ ଆଇସିସି  ଟୁର୍ଣ୍ଣାମେଣ୍ଟ ଫାଇନାଲ୍‌ ଖେଳିବାକୁ ଯାଉଛନ୍ତି । ପୂର୍ବରୁ ଯୁବରାଜ ସିଂହ ସର୍ବାଧିକ ଆଇସିସି ଟୁର୍ଣ୍ଣାମେଣ୍ଟ  ଫାଇନାଲ୍‌ ଖେଳିବାରେ ରେକର୍ଡ କରିଥିଲେ । ସେ ୨୦୦୦ ଚାମ୍ପିଅନ୍ସ ଟ୍ରଫି, ୨୦୦୨ ଚାମ୍ପିଅନ୍ସ ଟ୍ରଫି, ୨୦୦୩ ବିଶ୍ୱକପ୍‌, ୨୦୦୭ ଟି-ଟ୍ୱେଣ୍ଟି ବିଶ୍ୱକପ୍‌, ୨୦୧୧ ବିଶ୍ୱକପ୍‌, ୨୦୧୪ ଟି-ଟ୍ୱେଣ୍ଟି ବିଶ୍ୱକପ୍‌  ଓ ୨୦୧୭ ଚାମ୍ପିଅନ୍ସ ଟ୍ରଫି ଫାଇନାଲ୍‌ ଖେଳିଥିଲେ । ଅନ୍ୟମାନଙ୍କ ମଧ୍ୟରେ କୁମାର ସାଙ୍ଗାକାରା, ମାହେଲା ଜୟବର୍ଦ୍ଧନେ ଓ ରିକି ପଣ୍ଟିଂ ୬ଟି ଲେଖାଏଁ ଆଇସିସି ଟୁର୍ଣ୍ଣାମେଣ୍ଟ ଫାଇନାଲ୍‌ ଖେଳିଥିଲେ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.