ନୂଆଦିଲ୍ଲୀ,୨୧/୧୧: ଆଧୁନିକ ସମାଜରେ ଟେଲିଭିଜନ ପ୍ରତ୍ୟେକ ଘରର ଏକ ଅବିଚ୍ଛେଦ୍ୟ ଅଙ୍ଗ ପାଲଟିିଛି। ଏହା ସବୁ ବୟସର ଲୋକଙ୍କ ପାଇଁ ସୂଚନା, ମନୋରଞ୍ଜନ ଏବଂ ଖବର ପ୍ରଦାନର ଏକ ପ୍ରମୁଖ ଉପକରଣ ରହିଛି। ପିଲାମାନଙ୍କ ବୟସକୁ ନେଇ ନିର୍ମିତ କାର୍ଟୁନ୍ ଏବଂ କାର୍ଯ୍ୟକ୍ରମ ଦେଖୁଥିବା ପିଲାମାନଙ୍କ ଠାରୁ ଆରମ୍ଭ କରି ଟିଭି ଶୋ, ସମ୍ବାଦ, ଏବଂ ଚଳଚ୍ଚିତ୍ର ଦେଖୁଥିବା ବୟସ୍କଙ୍କ ପର୍ଯ୍ୟନ୍ତ - ଟେଲିଭିଜନ୍ ହେଉଛି ପରିବାରର କେନ୍ଦ୍ରବିନ୍ଦୁ, ଏବଂ ଏହା ଦଶନ୍ଧି ଦଶନ୍ଧି ଧରି ରହିଆସିଛି। ଆରମ୍ଭରୁ ଟେଲିଭିଜନ ଅନେକ ବିକାଶ ଏବଂ ଉଦ୍ଭାବନ ଦେଇ ଗତି କରିଛି, କିନ୍ତୁ ବର୍ତ୍ତମାନର ଯୁଗରେ ମଧ୍ୟ ଏହା ପ୍ରାସଙ୍ଗିକ ଅଟେ। ସମାଜରେ ପରିବର୍ତ୍ତନ ସହିତ ଶୋ’ର ପ୍ରକାର, ଦର୍ଶକଙ୍କ ରୁଚି ଏବଂ ସୂଚନା ଉପସ୍ଥାପନାରେ ଏକ ବଡ଼ ପରିବର୍ତ୍ତନ ଆସିଛି। ଟେଲିଭିଜନ ଆମର ପରିବର୍ତ୍ତିତ ଜୀବନଶୈଳୀ ସହିତ ସୁନ୍ଦର ଭାବରେ ଅନୁକୂଳ ହୋଇଛି ଏବଂ ବର୍ଷ ବର୍ଷ ଧରି ପ୍ରାସଙ୍ଗିକ ରହିଆସିଛି।

ବିଶ୍ୱ ଟେଲିଭିଜନ ଦିବସ ପ୍ରତିବର୍ଷ ସାରା ବିଶ୍ୱରେ ୩୧ ନଭେମ୍ବରରେ ପାଳନ କରାଯାଏ। ଯେହେତୁ ଆମେ ଏହି ବିଶେଷ ଦିନ ପାଳନ କରୁଛେ, ତେବେ ଏ ବିଶୟରେ ଅଧିକ ଜାଣିବାର ମଧ୍ୟ ଆବଶ୍ୟକତା ରହିଛି। ପ୍ରଥମ ବୈଦ୍ୟୁତିକ ଟେଲିଭିଜନ ୧୯୨୭ ମସିହାରେ ଆମେରିକାର ଉଦ୍ଭାବକ ଫିଲୋ ଟେଲର ଫାର୍ନସୱର୍ଥଙ୍କ ଦ୍ବାରା ଉଦ୍ଭାବନ ହୋଇଥିଲା। ୧୯୯୬ ରେ, ମିଳିତ ଜାତିସଂଘ ସାଧାରଣ ସଭା (UNGA) ପ୍ରତିବର୍ଷ ୩୧ ନଭେମ୍ବରକୁ ବିଶ୍ୱ ଟେଲିଭିଜନ ଦିବସ ଭାବରେ ଘୋଷଣା କରିଥିଲା। ୧୯୯୬ ରେ, ନଭେମ୍ବର ୨୧ ଏବଂ ୨୨ ରେ, ମିଳିତ ଜାତିସଂଘ ପ୍ରଥମ ଥର ପାଇଁ ବିଶ୍ୱ ଟେଲିଭିଜନ ଫୋରମ୍ ଆୟୋଜନ କରିଥିଲା। 

ତେବେ ପ୍ରତିବର୍ଷ ନଭେମ୍ବର ୨୧ ତାରିଖରେ ଲୋକମାନେ ଆମ ଜୀବନରେ ଟେଲିଭିଜନର ଗୁରୁତ୍ୱ ବିଷୟରେ ଆଲୋଚନା କରିବାକୁ ଏହାକୁ ପାଳନ କରନ୍ତି। ଟେଲିଭିଜନ ଆମ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ଏବଂ ବର୍ଷ ବର୍ଷ ଧରି ପ୍ରାସଙ୍ଗିକ ରହିଆସିଛି। ଟେଲିଭିଜନରେ ସବୁ ବୟସର ଲୋକଙ୍କ ପାଇଁ ଭିନ୍ନ ଭିନ୍ନ କାର୍ଯ୍ୟକ୍ରମ ରହିଛି। ବିଶ୍ୱ ଟେଲିଭିଜନ ଦିବସରେ ଲୋକମାନେ ଟେଲିଭିଜନର ମହତ୍ତ୍ୱ ବିଷୟରେ ଆଲୋଚନା କରନ୍ତି। ଟେଲିଭିଜନ୍ ଦେଖିବାର ପ୍ରଭାବ ଏବଂ ଉପକାରିତା ବିଷୟରେ ଦର୍ଶକଙ୍କୁ ମଧ୍ୟ ସଚେତନ କରାଯାଏ।